قريت كثير عن الاستغفار بس ماتوقعت بهذي السرعه

بسم الله الرحمن الرحيــــــــــــم ...



اللهـــــــم صلــــــ ي وسلم على اشرف الخلق محمد عليه افضل الصلاة والتسليــم...



ماراح اطول عليكم القصة من واقع تجربتي ...


كل يوم اقرا قصص عن فضل الاستغفار واستغفر بوقتها واسهى وخلاص وارجع اقرا موضوع ونفس كل مره

بس هذي المره غيــــــــــــــــــر .. نويت من قلب اني التزم كل يوم لااازم اخصص وقت استغفر فيه

طبعا انا ادرس بالجامعه وتخصصي برمجه حاسب وكنت شاااطره مره ومتفوقه بالدراسه وماادري وش صار لي فجأة كرهتها وماعاد اذاكر لدرجة ادخل الاختبار وانا مافتحت شي واضحك ومااشيل هم خلاص مات قلبي من جد المهم اني كرهت الجامعه ومااحب احد يسئلني عنها ولاااروح لها ... اروح يوم بالاسبوع عند صديقاتي وارجع
طبعا جاتني انذارات ومعدلي زفت وانا لي رابع سنه هذي يعني سنة تخرج المهم راح تعبي كذا وخلاص وصرت ماافكر عادي الموضوع عندي وكل مره احد يسئلني اطلع عذر ماادري اوهم نفسي فيه والا عشان مااحد يغثني بالاصح الثنتين مع بعض

قبل اسبوعين فيه تقديم على كلية بالنت والتخصص تجميل ومكياج طبعا احب هذا المجال وقررت اقدم بدووون مااحط فبالي بس كذا وقدمت طبعا كان شرطهم ان شهادة الثانوي تكون لها بس 3 سنوات حد اقصى وانا شهادتي لها 3 سنوات وهاذي الرابعه وقلت مستحيل يقبلووني بس مدري وش اللي خلاني اقدم

المهم من وقتها وانا استغفر باليوم اكثر من 1000 مره واقوم قبل اذان الفجر بـ 10 دقايق اتوضى واصلي وادعـــــي وطول الوقت استغفر وكنت اكثر صيغة استغفار ارددها ( استغفر الله اللذي لااله الا هو الحي القيوم واتوب اليه ))

وجتني اليوم الظهر رساله ع الجوال تم قبولك بالكليه الحمدلله يارب يارب اتمها نعمه ووفقني وبنات المسلمين




من جد فرحت وحبيت اشارككم فرحتي ولاتحرمووني من دعواتكم ان ربي يفتح على قلبي ويتتم فرحتي ويوفقني بدراستي






أستغفر الله.
رب اغفر لي.
( اللهم إني ظلمت نفسي فاغفر لي، فإنه لا يغفر الذنوب إلا أنت ).
( رب اغفر لي وتب عليّ إنك أنت التواب الغفور، أو التواب الرحيم ).
( اللهم إني ظلمت نفسي ظلماً كثيراً ولا يغفر الذنوب إلا الله، فاغفر لي مغفرةً من عندك، وارحمني إنك أنت الغفور الرحيم ).
( أستغفر الله الذي لا إله إلا هو الحي القيوم وأتوب إليه ).

شكرا

عفون

شكرا لمرورك

[i]مرررررررررررسي كتير عالموضوع الحلو يعطيكي العافية